As a kid

 ಮೊದಲ ಅದ್ಯಾಯ: http://pennupaper.blogspot.in/2013/11/i-never-had-serious-relationship-with.html

ಆಕಸ್ಮಿಕವಾಗಿ ಸಿಕ್ಕ ಡೈರಿಯನ್ನ ಓದುತ್ತಾ ಓದುತ್ತ ನಾನು ವಿಚಿತ್ರ ಸುಳಿಯ ಸೆಳೆತಕ್ಕೆ ಬಿದ್ದ ಹಾಗಾಯ್ತು, ನನ್ನ ವಿಚಾರಗಳ ಮೇಲೆಯೇ ಪ್ರಭಾವ ಬೀರತೊಡಗಿತ್ತು  ಆ ವ್ಯಕ್ತಿಯ ಬದುಕು. ಆತನ ವಿವರಣೆಯಲ್ಲಿ continuity ಇಲ್ಲ, ಎಲ್ಲೆಲ್ಲಿಯೋ ಏನೇನೋ ಬರಿತಾ ಹೋಗ್ತಾನೆ. ಬಹುಶಃ ಆ ಘಳಿಗೆಯಲ್ಲಿ ಏನು ನೆನಪಿಗೆ ಬರುತ್ತೋ, ಏನನ್ನು ಬರೆಯಬಹುದು ಅನ್ನಿಸುತ್ತೋ ಅದನ್ನ ಬರೆದಿಟ್ಟಿದಾನೆ. ಯಾವ ಸಂಕೋಚವೂ ಇಲ್ಲದಂತೆ ಆತ  ಬರೀತಾನೆ, ಕೆಲವು ವಿವರಣೆಯನ್ನ ನಾನಿಲ್ಲಿ ಬರೆಯುವುದಿಲ್ಲ (ಅವೆಲ್ಲ ಒಬ್ಬರೇ ಏಕಾಂತದಲ್ಲಿ ಓದುವುದಕ್ಕೆ ಚೆಂದ). ಇನ್ನೂ ಆ ಡೈರಿಯನ್ನ ಓದುತ್ತಿದ್ದೇನೆ ನಡುವೆ ಕೆಲವು ಸಣ್ಣ ಕಥೆಗಳನ್ನ ಆತ ಬರೆದಿದ್ದಾನೆ ವಿಚಿತ್ರ ಅನ್ನಿಸುತ್ತಿದೆ.  ಕಥೆಗಳಿಗೆ, ಘಟನೆಗಳಿಗೆ ಇರಬಹುದಾದ ಸಂಬಂಧವನ್ನ ವಿಶ್ಲೇಸುತ್ತಿದ್ದೇನೆ. ರೈಲಿನಲ್ಲಿ ನನ್ನೆದುರಿಗೆ ಕೂತು ಎದ್ದು ಹೋದ ಆ ಅಪರಿಚನಿಗೆ ಅಂದಾಜು ನಲವತ್ತು ಅಥವಾ ನಲವತ್ತೈದು ವಯಸ್ಸು. ಆತನ ಬದುಕಿನ ಪುಟಗಳನ್ನ ಒಂದೊಂದೇ ತಿರುವುತ್ತಿದ್ದಂತೆ ಮನದ ಮೂಲೆಯಲ್ಲಿ ಕಾರ್ಮೋಡ ಗುಡುಗುವ ಸದ್ದು, ಧಾರಾಕಾರ ಮಳೆ ಸುರಿದು ಮನಸು ತಿಳಿಯಾಗುವುದೆಂದೋ . . . ?

ಅಲ್ಲಲ್ಲಿ ಬರೆದ ಆತನ ವಿವರಣೆಗೆ ಒಂದು ರೂಪ ಕೊಟ್ಟು ನಿಮ್ಮ ಮುಂದಿಡುವ ಪ್ರಯತ್ನದಲ್ಲಿರುವೆ. ಸಮಯ ಹೆಚ್ಚು ಬೇಕಾಗುತ್ತಿದೆ ಬೇಸರಿಸದಿರಿ.

'ಅಲ್ಲೊಮ್ಮೆ ಕಾಡು ಮಲ್ಲಿಗೆ ಅರಳಿತ್ತು,

ತೆಳು ಬಿಸಿಲಿತ್ತು, ಜಿಟಿಜಿಟಿ ಮಳೆಯಗುತಿತ್ತು

ಬಣ್ಣದ ಬಿಲ್ಲಿಗಾಗಿ ಕಣ್ತೆರೆದು ಕೂತೆ . . .

ಮೂಡಿದ ಬಿಲ್ಲಿಗೆ ಬಣ್ಣವಿರಲಿಲ್ಲ' 

ಡೈರಿಯನ್ನ ಓದುತ್ತಾ ಓದುತ್ತಾ ಮನದಲ್ಲಿ ಮೂಡಿದ ಸಾಲುಗಳಿವು.

Chapter 2: As a kid

My mother was around 17, when she introduced me to this world. She was too young to become mother, though at that point in time many girls of her age had more kids. Whenever I look at her teenage photograph it’s a 'wow' feeling, for young boys it always goes like that irrespective of mother or girlfriend 'beauty is beauty'. In those photographs I feel her style might have disturbed much masculine gender, in some photographs she held me in her arms as if I'm a flower and I say 'how sweet'. my mother could have enjoyed a lot her young age, though she did compare to her contemporaries,  if she did not conceived me, and I really don't carry guilt because its completely related to her co-operation and my biological father's powerful hormones called as follicle-stimulating harmone (FSH), luteinizing harmone (LH) and testosterone. I was a helpless and strongest sperm cell won the battle in her womb and become successfully introduced to this world, is that my fault?

I spend quality time with my mother and some other family members since I was a kid. One fine morning I woke up and I started analyzing a dream of last night which was very new to me. Later, my bed time activity not just sleeping so I concluded it like ‘I’m an adult’ – celebrated it all alone for many months.

The birth of Cupid took place in my body not sure about in my soul. Same time I realized ‘I’m already used by someone else’.

To be continued . ..

I never had a serious relationship with any girl

ಆತ್ಮೀಯ ಸ್ನೇಹಿತರೇ ನೀವಿನ್ನೇನು ಓದಲು ಶುರುಮಾಡುವ ಈ ಬರಹ ಒಬ್ಬ ಅತೃಪ್ತ, ಚಂಚಲ, ವಿಚಿತ್ರ, ಮಹಾ ಪ್ರೇಮಿಯ ಬದುಕಿನ ಆಯ್ದ ಭಾಗ. ಆಕಸ್ಮಿಕವಾಗಿ ಸಹಪ್ರಯಾಣಿಕರಾಗಿ ಭೇಟಿಯಾದೆವು, ಮಾತಾಡಿದೆವು ನಾನು ಮಲಗಿ ಮುಂಜಾನೆ ಎಚ್ಚರವಾಗುವಷ್ಟರಲ್ಲಿ ಆತ ಇರಲಿಲ್ಲ, ಯಾವುದೋ ಸ್ಟಾಪಿನಲ್ಲಿ ಇಳಿದಿರಬೇಕು ಅಂದುಕೊಂಡು ಸುಮ್ಮನಾದೆ. ಬ್ಲಾಂಕೆಟ್ ಮಡಿಚಿ ಬ್ಯಾಗಿನೊಳಗೆ ಇಡುವಾಗ ನನಗೊಂದು ಆಶ್ಚರ್ಯ ಕಾದಿತ್ತು, ತಿಳಿ ನೀಲಿ ಬಣ್ಣದ ಬೈಂಡ್ ಹಾಕಿದ್ದ ಹಳೆ ಡೈರಿಯನ್ನ ಯಾರೋ ಇಟ್ಟಂತಿತ್ತು, ಉದ್ದೇಶಪೂರ್ವಕವಕಾಗಿ. ನನ್ನೊಂದಿಗೆ ಪ್ರಯಾಣಿಸಿದ ವ್ಯಕ್ತಿಯೇ ಅದನ್ನ ಇಟ್ಟಿದ್ದು ಅನ್ನೋದು ನನಗೆ ಮನವರಿಕೆಯಾಗಲು ಹೆಚ್ಚು ಸಮಯ ಬೇಕಾಗಲಿಲ್ಲ, ಚಹಾ ಕುಡಿಯುತ್ತ ಪೇಜುಗಳನ್ನ ತಿರುಗಿಸಿದೆ ಮೊದಲ ಪುಟದಲ್ಲಿ ದೊಡ್ಡ ಅಕ್ಷರಗಳಲ್ಲಿ 'PSYCHOLOGICAL BEHAVIOR' ಅಂತ ಬರೆದದ್ದನ್ನ ನೋಡಿ ಯಾವುದೋ ಟೆಕ್ಸ್ಟ್ ಬುಕ್ ಇರಬಹುದು ಅಂದುಕೊಂಡೆ, ಇಲ್ಲ ಅದು ಆತನ ಪರಸನಲ್ ಡೈರಿ. ಅಲ್ಲಲ್ಲಿ ಕೆಲವು ಪುಟಗಳನ್ನ ಓದಿ ನನಗೆ ಸಹಿಸಿಕೊಳ್ಳಲಾಗದೆ ಇಷ್ಟನ್ನ ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇನೆ (ಒಟ್ಟುಗೂಡಿಸಿ), ನಿಮಗೆ ಇಷ್ಟವಾದಲ್ಲಿ ಮುಂದೆಯೂ ಹಂಚಿಕೊಳ್ಳುವೆ ಇಲ್ಲವಾದರೆ ಸುಮ್ಮನಾಗುವೆ. ನಾನಂತೂ ಆತನನ್ನ ಓದಬೇಕು, ಏನೇನು ಬರೆದಿದಾನೋ ಪುಣ್ಯಾತ್ಮ. 

ಆ ಅಪರಿಚಿತನ ಬಗ್ಗೆ ಆತನ ಮಾತುಗಳಲ್ಲಿ  --

By profession I'm a psychiatrist, because I did my post graduation on major psychology and now writing doctoral thesis on psychological aspects.so, I can be a psychiatrist - is graduation mandatory to become psychiatrist? no!! I found this answer when I was preparing for last exam of my graduation!!!
I don't want to work, I have many dreams and desires. This says about me, I'm great enemy to myself. Am I lazy? no, not at all.
I'll put required amount of effort for any task which I assume.
I carry great hesitation. I'm not dare enough to say whatever I feel. whenever I find something wrong  in somebody's statement, I push myself to silence or I'll surrender to them if my sense says correcting their statements is useless or It will lead to a dumb arguments. I don't speak much with girls, I never started or will never start conversation with any girl except my family members. I want to make some noise in a bunch of people to get recognition, at that point in time also I'll have some hesitation. I saw very few faces of girls in my class and neighborhood, forget about chatting.

'I'm not content-full, I don't suit for this profession', my mind always chant this mantra. so, it made me to switch six different profession. my family members, friends and well wishers never blamed me for it. Because,they think whatever I do that will be good.

Many girls proposed their love to me I accepted them not even thinking on it. Sometimes shamelessly I accepted two proposals. I went for date with them and many times.

I don't flirt, buy costly presentations or cloths for them, pamper them  and I don't do any attractive things which usually many boys do to impress girl, while walking on street, if I notice any human female species I'll put my head down to avoid eye contact and I'm not much excited to look at their face and figure, still many girls proposed their love to me, they themselves arranged dating, outing and many things.
What is so special,interesting, exciting aspect about me  which I never noticed.

when I ask this even my mother says 'I don't know' followed by 'stay away from girls otherwise get married' and I'll say 'I'm only 28 and half'

she says 'that's perfect age'

one of my cousins asked that 'why are you pushing your marriage'

'I'm not prepared'

'means what?' as he asked I went for silence because I had no answer.

and finally he said 'don't waste your time and sperm'

while snipping cigarette I said 'may be I'm wasting my time but not sperm'

he smiled and said 'do whatever you want'

and I started writing this diary !!!

Many times I feel empty. that time I'll smoke, read books, watch movies, sing song or listen to those old, mellifluous and refreshing voices of Indian cinema. sometimes I thought of suicide because of many complexities and wasn't dare enough to commit
I'm a psychiatrist with this psychology. many of my clients says that 'you are a good healer'.

I'll say 'thank you' with relevant smile

but, question arises in my mind 'How? are you sure?' which I never asked!!

 

 

====

====

ಚಹಾದ ಘಮದಲ್ಲಿ ಮಾತಾಡಿದ್ದೆಲ್ಲ ಬರೀತಾ. .

ಗಿಜಿಗಿಜಿಯಿಲ್ಲದ ಮುಂಜಾನೆಯೋ ಮುಸ್ಸಂಜೆಯೊ ಬೀಸು ಗಾಳಿಗೆ ಮೈಯೊಡ್ಡಿ ಕೂತು ಗೆಳೆಯರೊಂದಿಗೆ ಹರಟುತ್ತಾ ಚಹಾ ಕುಡಿಯುವ ಸೊಗಸೇ ಬೇರೆ, ಅಲ್ವಾ ? ನಾವು ರಜೆಯಲ್ಲಿದ್ದರಂತೂ ಅದ್ಧೂರಿಯೇ. ಎಲ್ಲರಿಗೂ ತಮ್ಮದೇ ಆದ ಬೇಕುಗಳು  ಮತ್ತು ಬೇಸರಗಳಿರ್ತವೆ, ಬದುಕನ್ನ, ಖುಷಿಯನ್ನ, ನೋವುವನ್ನ ಇತ್ಯಾದಿ ಇತ್ಯಾದಿಗಳನ್ನ ಹಂಚಿಕೊಳ್ಳುವ ಅಭಿಲಾಷೆಗಳಿರ್ತವೆ ಹಾಗಾಗಿ ಒಬ್ಬ ಮನುಷ್ಯ ಇನ್ನೊಬ್ಬನಿಗೆ ಕೊಡಬಹುದಾದ, ಕೊಟ್ಟರೆ ನಷ್ಟವಾಗದ  ಅತ್ಯಂತ ಬೆಲೆಬಾಳುವ, ಬದುಕು ಬದಲಾಯಿಸುವ ಮತ್ತು ನಾಲ್ಕು ಗೋಡೆಗಳ ಮಧ್ಯೆ ಜಮಾ ಮಾಡಿದರೆ ಕನಿಷ್ಠ ಬಡ್ಡಿಯೂ ಸಿಗದ ಒಡವೆ ಅಂದ್ರೆ ಅದು 'ಸಮಯ' - The TIME

' ನಾನು ಸ್ವಲ್ಪ ಬ್ಯುಸಿ, ಮತ್ತೆ ಸಿಗೋಣ' ಅನ್ನೋ ಮಾತನ್ನ ಒಪ್ಪಬಹುದು ಹಾಗೆ,ಇನ್ನೊಮ್ಮೆ ಭೇಟಿಯಾಗುವ ಪ್ರಯತ್ನಮಾಡಬಹುದು ಆದರೆ, 'ನನಗೆ ಟೈಮೇ ಇಲ್ಲ' ಅನ್ನೋದು ಶುದ್ದ ಸುಳ್ಳು ಅನ್ಸುತ್ತೆ.ಭೂಮಿಯಲ್ಲಿರೋ ಪ್ರತಿಯೊಂದು ಜೀವಿಗೂ ಇರೋದು ಇಪ್ಪತ್ನಾಲ್ಕು ಗಂಟೆಗಳಷ್ಟೇ. 

'ನನಗೆ ಟೈಮೇ ಇಲ್ಲ' ಅನ್ನೋ ಮಾತಿಗೆ 'ಟೈಮ್' ಒಂದೇ ಕಾರಣವಲ್ಲ ಅನ್ನೋದು ನಮಗೆ ಗೊತ್ತಿಲ್ಲದೆಯಿರಲ್ಲ. 

ಎಲ್ಲರು ಟೈಮಿಲ್ಲ ಅಂದಿದ್ರೆ ನಾವಿರುತ್ತಿರಲಿಲ್ಲ!! 

ಸಾಕು, ಇದಿಲ್ಲಿಗೆ ಸಾಕು. 

ಆಗಾಗ ಗೆಳೆಯರೊಂದಿಗೆ ಹರಟುತ್ತಾ ಬಿಸಿ ಬಿಸಿ ಚಹಾ ಹೀರುತ್ತಾ ಮಾತಾಡುವಾಗ , ಮಾತು ಮಾತಲ್ಲಿ ಮೂಡುವ ಮಾತುಗಳು , ಸಾಲುಗಳು ಖುಷಿ ಕೊಡುತ್ತವೆ, ಹಾಗೆ ಹುಟ್ಟಿಕೊಂಡ ಸಾಲುಗಳಿವು.  

ಓದಿ, ಗೆಳೆಯರೊಂದಿಗೆ ಹರಟಿ, ತರ್ಲೆ ಮಾಡಿ, ಅರ್ಥವನ್ನ ತಿರುಚಿ ಕೀಟಲೆ ಮಾಡಿ .. .ನಗುತಾಯಿರಿ.

 

ನಿಮಗೆ ಮತ್ತು ನಿಮ್ಮ ಮನೆಯರಿಗೆಲ್ಲ ದಸರಾ ಹಬ್ಬದ ಹಾರ್ದಿಕ ಶುಭಾಷಯಗಳು.

ಇನ್ನು ನೀವುಂಟು, ಆಡಿದ ಮಾತುಗಳುಂಟು . . ಈಗ 'ನಾನು ಸ್ವಲ್ಪ ಬ್ಯುಸಿ, ಮತ್ತೆ ಸಿಗೋಣ'

೧)

""ಕರಡಿ ಮೈಯಗಿನ ಕೂದಲು ಎಣಿಸಿದಂಗೆ ನೋವು 

ಸಾಗರದಾಳದ ಹೊಳೆವ ಮುತ್ತು ಸಿಕ್ಕಂಗೆ ಒಲವು, ನಲಿವು, ಗೆಲುವು ""

೨)

""ಅಂದುಕೊಂಡರೆ ಬದುಕು  ಕ್ಷಣಿಕ, ಸಾವು ಆಗಂತುಕ 

ಸಾಲ ಮಾಡಕ್ಯಾಕೆ? ಆತಂಕ 

ದುಡಿಯದ ಭಗವಂತನೂ ಕಂಡ ಕಂಡಲ್ಲಿ ಭಿಕ್ಷುಕ""

೩)

""ನಿಂತು ಹೋಯಿತೆನೋ ಎಂದುಕೊಂಡರೆ,

ಮತ್ತೆ ಮತ್ತೆ ಸುರಿಯುತಿದೆ ಮಳೆ 

ತಣ್ಣಗಾಗುತುದೆ ಇಳೆ 

ಎನ್ನೆದೆಯೊಳಗೆ ವಿರಹದ ಕೆಂಡದಾ ಮಳೆ 

ಸೀರೆಯುಟ್ಟು ,ಮುಂಗುರುಳ ಜಾರಿ ಬಿಟ್ಟು, 

ನೀರ ಹನಿಯಲಿ ಮಿಂದು ನನಗೆ ಕಾಣಬಾರದೆ ನೀರೆ 

ಮುತ್ತಿನ ಹನಿಯ ಪರದೆಯ ಸರಿಸಿ ದಾರಿ ಮಾಡುವೆ ಎದೆಯರಮನೆಗೆ 

ಕನಿಷ್ಠ, ಪರಿಶೀಲಗಾದರು ಒಮ್ಮೆ ಬಾರೆ 

ನಿಂತು ಹೋಯಿತೆನೋ ಎಂದುಕೊಂಡರೆ 

ಮತ್ತೆ ಮತ್ತೆ ಸುರಿಯುತಿದೆ ಮಳೆ 

ಸಹಜವಾಗಿ ಮೈ ತುಂಬಿಕೊಂಡಿದೆ ಭಾವದ ಬೆಳೆ ""

೪)

""ಪ್ರಳಯ ಆಗಬೇಕಿತ್ತು ಆಗಲಿಲ್ಲ 

ಯಾಕೆ ಗೊತ್ತ?

ನಾವಿಬ್ಬರೂ ಒಂದಾಗವುದೊಂದು ಬಾಕಿಯಿತ್ತು 

ನಮ್ಮಿಬ್ಬರ ಕಂಡಮೇಲೆ ಪ್ರಳಯವೂ ಸುಮ್ಮನಾಗಿದೆ 

ಏಕೆಂದರೆ,

ಅದಕೂ ಮನಸಿಲ್ಲ ""

Time is time, nothing can replace it. spend quality time with dears / nears and its a good feel, that's what I'm feeling now. Thanks for your time.

=====

=====

"ಆತ್ಮಸುಂದರಿಯ ಅನ್ವೇಷಣೆಯಲ್ಲಿ ಸರಿದ ಜನ್ಮಗಳು"

ಅಂದೊಮ್ಮೆ ಹಿಂದೆ 

ಜನ್ಮಗಳ ಹಿಂದೆ ಘಟಿತ ಸುದ್ದಿ ಹೇಳುವೆ 

ಕೇಳೆ, 

ಅದು ಇಂಥದ್ದೇ ಒಂದು ಮುಸ್ಸಂಜೆ ವೇಳೆ

ಕಲ್ಲಿಗೆ ರೂಪಕೊಟ್ಟು 

ನುಣುಪುಕೊಟ್ಟು, ಜೀವಕೊಟ್ಟಿದ್ದ ಯುವಶಿಲ್ಪಿ 

ಜಗತ್ಸುಂದರಿಯ ಗಂಡ ಸಾಮ್ರಾಜ್ಯದರಸ 

ಶಿಲೆಯ ನೋಡಿ, ಮುಟ್ಟಿ ಕಲೆಯ ಕಂಡು 

ಹೊಗಳಿದ - 'ಎನ್ನರಸಿಗಿಂತ ಸೊಗಸು'

ಶಿಲ್ಪಿ ಅಂದದ್ದಿಷ್ಟೇ -'ಸಾರ್ಥಕವಾಯಿತು'

ಧರೆಯ ಸುಂದರಿಯನ್ನ ಕಲ್ಲಲ್ಲಿ ಸೃಷ್ಟಿಸಿದ ಅಹಂ 

ಅರಸನ ಮೆಚ್ಚುಗೆ, ಪಾರಿತೋಷಕ 

ಕೊಬ್ಬಿದ ಹರೆಯ - ಶಿಲ್ಪಿಯ ನರನಾಡಿಗಳಲ್ಲಿ ಜಿಂಕೆಯಂತೆ ಓಡುತ್ತಿದ್ದವು 

ಆ ಮುಸ್ಸಂಜೆ ವೇಳೆ 

ನದಿಯ ದಂಡೆಯುದ್ದಕ್ಕೂ ನಡೆದು ಬರುತ್ತಿದ್ದ 

ಹೊಸದಾರಿಯ ಹಿಡಿದು ಮನೆಗೆ ಹೋಗುತ್ತಿದ್ದ   

 

ಮಹಾಸ್ಪೋಟವಾಯಿತು :ಒಮ್ಮೆಲೇ ಬಾಯಿ ತೆರೆದು ಉಸಿರು ಹಿಡಿದ 

ಬೆಚ್ಚಿದ, ಪಾರಿತೋಷಕವನ್ನ ನದಿಗೆ ಬಿಸಾಡಿದ 

ಕುಸಿದು ಮಂಡಿಯೂರಿ,ಆತ್ಮಸುಂದರಿಗೆ ಶರಣಾದ 

ಅವಳು ಕಂಡಕೂಡಲೇ, ಇಂಥದ್ದೇ ಆ ಮುಸ್ಸಂಜೆ ವೇಳೆ 

ಈವರೆಗೆ ಕಂಡ ಸೌಂದರ್ಯ, ಸೌಂದರ್ಯವೇ ?

ಪ್ರಶ್ನೆ ಮೂಡುವುದರೊಳಗೆ ಕೂಗಿದ - 'ಸುಂದರಿ'

ಒಮ್ಮೆ ನೋಡಿದಳು, ಮುಂಗುರುಳ ಹಿಂದೆ ತುಸು ನಕ್ಕಳು 

ಶಿಲ್ಪಿ ಮಂಡಿಯೂರಿ ಸೌಂದರ್ಯ ಸವಿಯುತಿದ್ದ 

ಆಹ್ವಾನ ಕೊಟ್ಟಳು -'ಬೇಕೆಂದರೆ ಹುಡುಕಿ ಬಾ'

ನೋಡನೋಡುತ್ತಿದ್ದಂತೆ ಮರೆಯಾದಳು 

ಶಿಲ್ಪಿ, ಆಗಲೆಂಬಂತೆ ಅಮಲಿನ ನಗೆ ನಕ್ಕ 

ಹೊಸ ಮಜಲಿಗೆ ತಯಾರಾದ 

ನದಿ ದಂಡೆಯ ಮೇಲೆ, ಆ ವೇಳೆ 

ಇಬ್ಬರಿಗೂ ಜನ್ಮಗಳುರುಳಿದವು - ಹುಡುಕಾಟ ತಪಸ್ಸು 

ಇದು ಜನ್ಮಗಳ ಹಿಂದೆ ನಿನಗಾಗಿ ಶುರುವಾದ ಅನ್ವೇಷಣೆ 

ಇಂದಿಗೆ ಪಲಿತಾಂಶ - ನೀನು ಕಂಡ ಮೇಲೆ 

ಅಂಥದ್ದೇ ಒಂದು ಈ ಮುಸ್ಸಂಜೆ ವೇಳೆ 

'ಮತ್ತೆ ಮರೆಯಾಗದಿರು' - ಅನ್ವೇಷಕನ ಪ್ರಾರ್ಥನೆ 

=====

=====

"ಪುರಾತನ ಕಾವ್ಯದ ಆಯ್ದ ಭಾಗಗಳ ಔತಣ"

ಅಸಹಾಯಕ ವಯಸ್ಸಿನಲ್ಲಿ 
ಎಂದೋ ಮರೆಯಾದ ಅವಳ ಸವಿನೆನಪು
ಬಾಡಿದ ಕಣ್ಣುಗಳು 
ಹಸಿಯಾಗುವಷ್ಟು ಪುರಾತನ ಪ್ರೇಮದ ಬಿಸುಪು 
ಇನ್ನಾದರೂ ಬರಬಹುದೇನೋ -ನಿರೀಕ್ಷೆಯಲ್ಲಿ ಕೂತಿದ್ದೇನೆ 
ಕುಳಿತ ಪಾರ್ಕಿನ ಹೆಸರು ನೆನಪಾಗುತ್ತಿಲ್ಲ !!

++++

ಗೊಂದಲಗಳ ನಡುವೆ ಬಾಡಿಗೆ ಮನೆ ಮಾಡಿರುವೆ 
ಬಂದವು ಅವಶ್ಯಕ ಅನವಶ್ಯಕ ವಿಚಾರಗಳು 
ನನ್ನದಲ್ಲದ ಮನೆಯಲ್ಲಿ ನಾನೇ ತಂದ ವಸ್ತುಗಳ ವಿಲೇವಾರಿಯ ಬಗ್ಗೆ ಮತ್ತೆ ಗೊಂದಲಗಳಿವೆ!!
ಹೊರಸಾಗಿಸುವಂತೆಯೂಯಿಲ್ಲ ಎಲ್ಲವೂ ಇರಲೆನ್ನುವಷ್ಟು ಜಾಗವೂಯಿಲ್ಲ 

=====

=====

"ಪೋಯಮ್ಮು"

ಕಡಲಿಗೆ ನದಿಯೋ ?

ನದಿಯಿಂದಲೇ ಕಡಲೋ ?

ನಿನ್ನ ಮೇಲೆ ಪ್ರೀತಿಯೋ ?

ನೀನೇ ಪ್ರೀತಿಯೋ ?

ಮೊದಲೆರಡು ಸಾಲಿನ ಪ್ರಶ್ನೆಗೆ 

ಹುಡುಕಿದರೆ ಸಿಕ್ಕೀತು ಉತ್ತರ 

ಉಳಿದವುಗಳ ಬಗ್ಗೆ ಇನ್ನು ಸಂಶೋದನೆಯಾಗಬೇಕಷ್ಟೆ !!!!

ವೈಜ್ಞಾನಿಕ ಸ್ಪಷ್ಟೀಕರಣದ ನಿರೀಕ್ಷೆಯಿಲ್ಲ 

ಉತ್ತರದ ಹಂಗಿಲ್ಲದ ಪ್ರಶ್ನೆಗಳೂ ತರತರಾ 

ಕೆಲವೊಮ್ಮೆ ಉತ್ತರಕ್ಕಿಂತ ಪ್ರಶ್ನೆಯೇ ಸುಂದರ 

ಸಂಕೊಚದಲಿ ಮಿಂದು ಬೆದರಿದ ಜಿಂಕೆಯಾದ ಭಾವಗಳಿಗೆ, 

ನೀನು ದನಿಯಾದೆ 

ನಿನ್ನ ಪೂಜೆಗೆ, ಅರಳಿದ ಹೂ ತರಲು ಹೋದೆ 

ಹೂವೇ ನೀನಾದೆ !!!

ಎಲ್ಲೋ ಇಳಿಯಬೇಕಾದವನು ಇಲ್ಲಿಳಿದು ಬರೆಯುತ್ತಿದ್ದೇನೆ 

ನೀನು ಕಣ್ಮುಂದೆ ಬಂದರೆ ಸಾಕು 

ನಿನ್ನ ನೆನೆದರೆ ಸಾಕು 

ಪಯಣದ ಹಾದಿ ಮರೆತು ಎಲ್ಲೋ ಇಳಿಯುತ್ತೇನೆ  

ಪೋಯಮ್ಮಿನ ಸಾಲುಗಳು ಹಿಂದುಮುಂದಾದವೇನೋ ?

 . . . . . ನನ್ನಂತೆ !

=====

=====

"ತಾರೆಗಳಂತೆ ಚೆಲ್ಲಾಪಿಲ್ಲಿಯಾದ ಪರಮ ಭಕ್ತನ ಪ್ರಾರ್ಥನಾ ಗೀತೆ"

ನಿನ್ನ ದೀರ್ಘ ಆಲಿಂಗನದ ಬ್ರಮೆಯಲ್ಲಿ ನಾನು

ಕಡಲಲೆಗಳ ಏರು-ಇಳಿವುಗಳಿಗೆ ಮುತ್ತಿಟ್ಟು ಮುಂದೆ ಸಾಗುವ ದೋಣಿ

ಕಿನಾರೆಯ ಬೆಚ್ಚನೆಯ ಮರಳಿಗೆ ನಿನ್ನೆದೆಯ ಶಾಕ

ನಿನ್ನ ಕಣ್ಣ ಹೊಳಪಿಗೆ ಬೆಳಗಬಹುದೇನೋ ಇನ್ನೊಂದು ಲೋಕ

ಪರಿಮಳದ ಹೊಸ ಪರಿಭಾಷೆ ನೀನು
ನಿತ್ಯ ಪ್ರೀತಿಯ ನಿಸರ್ಗ ನೀನು
ಅಕ್ಷರಲೋಕದ ಹೊಸ ಆವಿಷ್ಕಾರ ನೀನು
ಪ್ರೇಮಕವಿಗಳ ಎದೆಯಲ್ಲಿ ನಗುವ ಚೆಲ್ಲಿ ಕುಳಿತವಳು ನೀನು

ನೀನೇ ಸುಂದರಿ, ನೀನೆ ವಿಸ್ಮಯ

ಎದೆಯ ತುಂಬಾ ಮಾತಿದ್ದರೂ ಆಡದ ಮೌನ ನೀನು
ನೀನೇ ಸತ್ಯ,

ನೆಲದ ಮೈಯ ತೊಳೆಯಲು ಮಳೆಯ ಕರೆವ ಕರೆಯೋಲೆ ನೀನು

ನಗುವನ್ನೇ ಅಲಂಕರಿಸಿಕೊಂಡೆ ನೀನು

ಹೂವಿನೆದೆಯ ಮಕರಂದ ನೀನು 

ಕನಸಿಗೂ ಮಾತು ಕೊಟ್ಟ ಭಾಷೆ ನೀನು

ಕಾಮನ ಬಿಲ್ಲಿಗೆ ಬಣ್ಣ ಬಳಿಯುವ ಕುಂಚ ನೀನು 

ನನ್ನ ಭಕ್ತಿಗೆ ಒಲಿಯದಿದ್ದರೂ ಸರಿ

ತಿರಸ್ಕರಿಸಬೇಡ,
ಮೆಚ್ಚಿಸಿಕೊಂಡ ಧನ್ಯತೆಯ ಆನಂದ ದುಬಾರಿ
ಆದರೆ, ತಿರಸ್ಕರಿಸಲ್ಪಡುವ ಕಲ್ಪನೆಯೇ ಆಘಾತಕಾರಿ
  

 =====
 =====

"ಆಕೀ,ಗೋರಿ ಮ್ಯಾಗಿನ ಹಳದಿ ಹೂವು"

ಚೆಲ್ವಿನ ಮಾತಿಗೆ ಮನಸು 

ಮಳ್ಯಾಗ ತೋದ ಮಣ್ಣಾತ 

ಚಿಗರೋಡ್ಯಾಕ ಸಜ್ಜಾತ 

ಚಂದನ ಮಾತಿನ ಮತ್ತೇ ಮತ್ತು
ಬರೀ ಮಾತಿಗದೇನು ಗೊತ್ತು
ಹಗಲು ನುಂಗಿ ನಗೋ ಚಂದ್ರಾಮನ ತಂಗಿ ಮಾತು
ಸೊಗಸಿಗೆ ಹೆಸರು ಇನ್ನೊಂದಾತು

ಬಂದ ಬಂದಾಕಿನ ಎದಿ ಚಿವುಟಿ 

ಒಳಗ ನಕ್ಕೋತ ಕುಂತ್ಳು 

ಗರ್ಭಗುಡ್ಯಾಗ ದೇವಿ ಕುಂತಂಗ

ಬೆಳಕಿನಂತಾಕಿಗೆ ಗಾಳಿಗಾರಿ ಹೋಗೋ ದೀಪ ಯಾಕ ಬೇಕು ?

ನಾ ಮುತ್ತಿನಾರತಿ ಮಾಡಿದ್ರ  ಸಾಕು

ಆ ನಗಿನ ನಗಿ, ನನಗಾಗಿ

ನಾ ಕರಗಿ ಹೋಗ್ಬಕು ಅಂತಾ ನಗಿ

ಮುಗಲು ಹರದ ಬಿದ್ದಂತಾ ಮಳಿ ಬಂತು

ಮಳ್ಯಾಗ ತೋದ ಚಿನ್ನದಂತಾ ಮೈಯಿ

ಥಂಡಿ ರಾತ್ರಿ, ಕ್ವಾಣ್ಯಾಗ ಕೆಂಡ ನಿಗಿ ನಿಗಿ 

ಅಕಿದು, ಆಟನ ಆಟ

ಹಾವು -ಏಣಿ ಆಟ

ಚದುರಂಗದಾಟದಾಗ ನುಗ್ಗಿ ಬರೋ ರಾತ್ರಿರಾಣಿ ಜಾತಕ
=====
=====

"ವ್ಯಾಪಾರಿ"

ನಾನು, ಮುತ್ತು ಕೊಟ್ಟು ಪಡೆವ ವ್ಯಾಪಾರಿ 

ವ್ಯಾಪಾರದಲ್ಲಿ ನಾವಿಬ್ಬರೇ - ನಾನು ಮತ್ತು ಅವಳು 

ಅವಳೊಬ್ಬಳೇ ನನ್ನ ಗ್ರಾಹಕಿ !

ಒಂದೇ ಒಂದು ಮುತ್ತನ್ನು ಬಾಕಿ ಉಳಿಸಿರಲಿಲ್ಲ, ಅಂಥಾ ಗ್ರಾಹಕಿ

ಆದರೆ ಒಮ್ಮೆ ಅವಳ ಗಲ್ಲಕ್ಕೊಂದು ಮುತ್ತು ಕೊಟ್ಟೆ 

ಏಕೋ  - ಮರು ಪಾವತಿಯಾಗಲಿಲ್ಲ 

ತಿಳಿದಿದ್ದಿಷ್ಟೇ ಇನ್ನೆಂದು ಮರು ಪಾವತಿಯಾಗುವುದಿಲ್ಲ 

ನನಗೀಗ ಮುತ್ತಿನ ವ್ಯಾಪಾರದಲ್ಲಿ ಮನಸಿಲ್ಲ 

ಮನಸಲ್ಲಿ ಬಾಕಿ ಇರುವ ಮುತ್ತನು ಬಿಟ್ಟು ಬೇರೆ ಏನೂ ಉಳಿದಿಲ್ಲ 

ಈಗ ನೆನಪುಗಳನ್ನ ಹರವಿಕೊಂಡು ಕೂತಿರುತ್ತೇನೆ 

ಮಾರುವವನು, ಕೊಳ್ಳುವವನೂ ನಾನೇ 

ನನ್ನ ಕಂಡು ಮರುಗುವವನೂ ನಾನೇ 

ಮತ್ತೆ ಮತ್ತೆ ತಾಳೆ ಹಾಕಿ ನೋಡಿದೆ 

ಮತ್ತದೇ ಪಲಿತಾಂಶ --

ವ್ಯಾಪಾರದಲ್ಲಿ ಮೊದಲು ಇಬ್ಬರಿದ್ದೆವು, ಈಗ ನಾನೊಬ್ಬನೇ 

ನಾನು ಈಗಲೂ ವ್ಯಾಪಾರಿಯೇ, ವ್ಯಾಪಾರ ಬದಲಾಯಿತಷ್ಟೇ. 

(ನಿನ್ನೆ ರಾತ್ರಿ ಪುತ್ತೂರಿನ ಮಳೆಯಲ್ಲಿ ಕೂತು ಮೊಬೈಲ್ ಬೆಳಕಿನ-

-ಸಹಕಾರದೊಂದಿಗೆ ಬರೆದದ್ದು !!!)

======

======

"ಇಲ್ಲದಿರುವ ಜೀವಕ್ಕೆ ಅಕ್ಷರಗಳಿಲ್ಲದ ಹೆಸರಿಡುವ ಆಸೆ"

ಅಕ್ಷರಗಳಿಗೆ ಸಿಗದ ನಿನ್ನ ಕರೆಯಲು, 

ಒಂದು ಹೆಸರಿಡಬೇಕು, ಹೆಸರು ಹೆಸರಾಗಲು ಸ್ವಲ್ಪ ಅಕ್ಷರಗಳು ಬೇಕು 

ನಿನ್ನ ಚೆಲುವಿಗೆ ಒಲವಿಗೆ

ಮನಸಲ್ಲೇ ನಿನಗಿತ್ತ ಹೆಸರು ಹಳತೆನಿಸುವುದೇಕೆ ? 

ಇದು ಬೇಡ ಇನ್ನೊಂದಿತ್ತರಾಯಿತು ಅಂದುಕೊಂಡು ಪ್ರೀತಿಸಿದರೆ ಸಾಕೆ?

ಒಮ್ಮೆ ನನ್ನತ್ತ ನೋಡಿ ಮತ್ತೆ ಅಲೆಗಳನ್ನ ಕಣ್ಣಲ್ಲಿ ತುಂಬಿಕೊಳ್ಳುತ್ತಾ 

ನಿನಂದಿದ್ದಿಷ್ಟೇ - ಆಕಸ್ಮಿಕ ಪ್ರಣಯಕ್ಕೆ ಹೆಸರು ಬೇಕೇ ?

ನಾನು ಸುಮ್ಮನಾದೆ, ನಿನ್ನೊಳಗೆ ಒಂದಾದೆ 

ಸಂಬ್ರಮದ ರಾತ್ರಿ ಕಳೆದು ಚುಮು ಚುಮು ಮುಂಜಾವು 

ಕಣ್ಣು ಕಂಡಷ್ಟು ದೂರಕ್ಕೆ ತಿರುಗಾಡಿದವು, ಯಾರು ಇಲ್ಲ 

ಕಿವಿಗೆ ನನ್ನದೇ ನೋವುಗಳ ಆಕ್ರಂದನ ಬಿಟ್ಟು ಬೇರೇನೂ ಕೇಳಲಿಲ್ಲ 

ಕಡಲ ಕಿನಾರೆ ಹಾಸಿಗೆಯಾಗಿದ್ದಷ್ಟೇ ನೆನಪು 

ಎಚ್ಚರವಾದಾಗ ನಾನೊಬ್ಬನೇ 

ತಣ್ಣನೆ ಗಾಳಿ  ಬೀಸಿತು ಮತ್ತೆ ಕಣ್ಣು ಮುಚ್ಚಿದೆ 

ನಿನ್ನ ನಶೆಗೆ ಮನಸು ಎಚ್ಚರವಾಗಿತ್ತು, ನಿನ್ನನ್ನೇ ದೇನಿಸುತ್ತಿತ್ತು  

ಎದ್ದು ಹೋದ ನಿನ್ನ ಮತ್ತೆ ಕರೆಯಬೇಕು ಮಾತಾಡಬೇಕು 

ನಿನ್ಯಾರೆಂದು ತಿಳಿಯಬೇಕು 

ಎಲ್ಲವನ್ನ ಹೇಳಿಕೊಳ್ಳುವರನ್ನ ಕೇಳಲು ನನಗೆ ಮನಸಿಲ್ಲ 

ಹೀಗೆ ಏನು ಹೇಳದೆ ಎದ್ದು ಹೋದ ನಿನ್ನ ತಿಳಿವವರೆಗೆ ಸಮಾಧಾನವಿಲ್ಲ 

ಒಟ್ಟಾರೆ ನಿನ್ನ ಕರೆಯಬೇಕು, ಪ್ರೀತಿಸಬೇಕು

ಆದರೆ ಕರೆಯಲು ಹೆಸರು ಬೇಕು 

ಹೆಸರು ಹೆಸರಾಗಲು ಸ್ವಲ್ಪವಾದರೂ ಅಕ್ಷರಗಳು ಬೇಕು 

ಆದರೆ ನೀನು ಅಕ್ಷರಗಳಿಗೆ ಸಿಗುವುದೆಯಿಲ್ಲವಲ್ಲ -ನೀನ್ಯಾರು ?

=====

=====