"ಶುರುವಾಯ್ತಲ್ಲರೀ . . ."

ರೋಡಿನಲಿ ಹಾರಡಿಕೊಂಡು ಬೀಳುವ ಹಳದಿ ಹೂಗಳು
ಒಡಲುಕ್ಕಿ ಹರಿಯುವ ಚರಂಡಿಗಳು
ಅಕ್ಕ ಪಕ್ಕ ಸಿಕ್ಕ ಸಿಕ್ಕ ಮರ,ಮನೆಗಳ ಕೆಳಗೆ ಪಿಳಿ ಪಿಳಿ ಕಣ್ಣು ಬಿಡುವ ಗಂಡು ಹೆಣ್ಣು.
ಬೋಂಡ ಬಜ್ಜಿಯ ಕರೆಯೋಲೆ ಆಹಾ ಆಹಾ
ಚಹಾದ ಘಮ ಘಮ, ಸಿಗರೇಟಿನ ಘಾಟು

ಮನೆಯಂಗಳದಲಿ
ಮುಗಿಲಿಗೆ ಬಾಯೊಡ್ಡಿ, ಕೈ ರೆಕ್ಕೆ ಮಾಡಿಕೊಂಡು ಗಿರ ಗಿರ ತಿರುಗುವ ಪುಟ್ಟ ಪುಟ್ಟಿ
ರಾತ್ರಿ ಬರುವ ಕರೆಗೆ, ಸಂಜೆಯಿಂದಲೆ ಮೊಬೈಲನ್ನ ತಬ್ಬಿಕೊಂಡ ರೆಪ್ಪೆಗಂಟಿದ ಹನಿ
ಪದೆ ಪದೆ ಹಾಸಿಗೆಯಲಿ ಮುದುಡಿಕೊಳ್ಳುವ ಮದುವೆ ಸಿಶ್ಚಯವಾದ ಹುಡುಗ ಹುಡುಗಿ
'ಮಗ, ಅರ್ಜೆಂಟ್ ಆಗಿ ಒಂದು ಹುಡುಗಿನ ಲವ್ ಮಾಡ್ಬೇಕನಿಸ್ತಿದೆ ' ಅನ್ನೋ ಸ್ನೇಹಿತ
ಅಂತು ಇಂತೂ ಮಳೆಗಾಲ ಶುರುವಾಯ್ತು.

=====
=====