Jan 25, 2010

"ಹೀಗೊಂದು ಪ್ರಸವ ಪ್ರಸಂಗ"


'ಸೂಚನೆ: ಇದು ಸತ್ಯ ಘಟನೆ ಜೊತೆಗೆ ಸ್ವಲ್ಪ ಕಲ್ಪನೆ'

ಅದೊಂದು ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆ, ಹೆರಿಗೆ ವಾರ್ಡಿನಲ್ಲಿ ಹೊಸ ಜೀವವೊಂದು ತನ್ನ ಬಂದಿರುವಿಕೆಯನ್ನ ಪೂರ್ತಿ

ವಾರ್ಡಿಗೆ ಕೇಳಿಸಿತ್ತು ಫಸ್ಟ್ ಟೈಮ್ ಜೋರಾಗಿ ಅಳುತ್ತಾ. ಅಳು ಡಾಕ್ಟರ್ ತನ್ನ ಬೆನ್ನ ಮೇಲೆ ಹೊಡೆದದ್ದಕ್ಕೋ ಅಥವಾ ತಾನು

ಹುಟ್ಟಿದ್ದಕ್ಕೋ ಎನ್ನುವ ಗುಟ್ಟು ಬಿಟ್ಟುಕೊಟ್ಟಿರಲಿಲ್ಲ.



ಮಗುವಿನ ಚೀರಾಟವನ್ನ, ಡಾಕ್ಟರ್ ತನ್ನ ಯಶಸ್ಸಿಗೆ ಸಲ್ಲುವ ಪ್ರಶಂಸೆ ಎಂದುಕೊಂಡು ಗೆಲುವಿನ ನಗೆ ನಕ್ಕ.

ಹೆಲ್ಪ್ ಮಾಡಿದ ನರ್ಸು ಒಂದಿಷ್ಟು ದುಡ್ಡು ತಂದು ಕೊಡುವ ಲಾಟರಿ ಎಂದುಕೊಂಡು ಒಳಒಳಗೆ ಆಸೆ ಪಟ್ಟಳು.

ಸುತ್ತಲು ನಿಂತಿದ್ದ ಮೆಡಿಕಲ್ ವಿದ್ಯಾರ್ಥಿಗಳೆಲ್ಲ ತಮ್ಮ ಕುತೂಹಲ ಮತ್ತು ಪ್ರಶ್ನೆಗಳಿಗೆ ಉತ್ತರವನ್ನ ಅಳುವಿನಲ್ಲಿ ಕಂಡುಕೊಡಿದ್ದರು.

("ಮಗುವಿನ ನಗು ಜಗತ್ತಿನ ಎಲ್ಲ ಸೌಂದರ್ಯವನ್ನ ತೋರಿಸುವುದರ ಜೊತೆಗೆ ತನ್ನ ಪ್ರಥಮ ಅಳುವಿನಲ್ಲೂ ಅದೆಷ್ಟೋ ಜನಕ್ಕೆ ಭರವಸೆಯನ್ನು ನೀಡುವುದೇ ನಿಷ್ಕಲ್ಮಶತೆಯ ಪ್ರತಿರೂಪ" )

ಮಗುವಿನ ತಾಯಿಗೆ ಅದು ಮೂರನೇ ಹೆರಿಗೆ ಅದೇ ಕಾರಣಕ್ಕೋ ಏನೋ ಆಕೆ ಹೆರಿಗೆ ಸಮಯದಲ್ಲಿ

ಅಷ್ಟೊಂದು ಕಷ್ಟಪಟ್ಟಂತೆ ಕಾಣಲಿಲ್ಲ ಆದರೂ ಆಕೆಯ ಮುಖದಲ್ಲಿ ಸಂತೋಷವಿರಲಿಲ್ಲ ! !

ಭಯಮಿಶ್ರಿತ ನಗುವಿತ್ತು ! ! !

ವಾರ್ಡಿನಲ್ಲಿದ್ದ ಗರ್ಭಿಣಿಯರು ಅವರ ಜೋತೆಗಿದ್ದವರು ಮಗವಿನ ಬಗ್ಗೆ ಕುತೂಹಲ ಹೊಂದಿದ್ದರೂ ಸ್ವತಃ ತಾಯಿಗೆ ಹೆದರಿಕೆಯಿತ್ತು.



ಡಾಕ್ಟರ್ ತಾಯಿಯ ಮುಖ ನೋಡಿ, ಮಗು ಆರೋಗ್ಯವಾಗಿದೆ ಏನು ಹೆದರಬೇಕಾಗಿಲ್ಲ ತುಂಬಾ ಮುದ್ದಾದ "ಹೆಣ್ಣು ಮಗು" ಎಂದು ಪ್ರೀತಿಯಿಂದ ಹೇಳಿ. ನರ್ಸು ಅದನ್ನೇ ಹೇಳಿದಳು.

ಡಾಕ್ಟರ್ ತಾಯಿಗೆ ಟೆಕ್ ಕೇರ್ ಎಂದು ಹೇಳಿ ಹೊರಟ, ನರ್ಸಗೆ ಚೆನ್ನಾಗಿ ನೋಡಿಕೋ ಎನ್ನುವ ಸನ್ನೆ ಮಾಡುತ.

ತಾಯಿಯ ನೋವಿನ ಕಣ್ಣೀರು ಕಣ್ಣಂಚಿನಿಂದ ಸರಿದು ಕಿವಿಯೊಳಗೆ ಬಿದ್ದದು ಯಾರಿಗೂ ಕಾಣಲಿಲ್ಲ.

ಹೌದು, ಡಾಕ್ಟರ್ ಆಕೆಯ ಭಯವನ್ನ ನಿಜವಾಗಿಸಿದ್ದ ಅದು ತನಗೆ ಹುಟ್ಟಿದ ಮೂರನೇ ಹೆಣ್ಣುಮಗು.

ಯಾವುದು ಬೇಡವಾಗಿತ್ತೋ ಅದೇ ನೆರಳಿನಂತಾಗಿತ್ತು. ಗಂಡ ಸಲ ಗಂಡುಮಗು ಆಗಲೇಬೇಕೆನ್ನುವ ಕಂಡಿಶನ್ ಹಾಕಿದ್ದ.

(ಗಂಡು ಅಥವ ಹೆಣ್ಣು ಹುಟ್ಟುವುವಿಕೆಗೆ ತನ್ನದು ಸಮಪಾಲು ಇದೆಯೆನ್ನುವುದನ್ನ ಮರೆತಿದ್ದ ಪದವಿಧರ.)



ಮಗುವಿನ ತಂದೆಯೆನಿಸಿಕೊಂಡಿದ್ದವನು ಫೋನಿನಲ್ಲಿ ಸುದ್ದಿ ತಿಳಿದ ನಾಲ್ಕನೇ ದಿನಕ್ಕೆ ಬಂದ.

ಸ್ವೀಟು ತರದೆ ನಗುವು ಮರೆತವನಂತೆ ಬಂದಿದ್ದ. ಬಂದವನು ಮಾವ ಅತ್ತೆಯನ್ನು ಮಾತಾಡಿಸಲಿಲ್ಲ

ಅವರು ಮೇಲೆಬಿದ್ದು ಮಾತಾಡಿಸಲಿಲ್ಲ, ತನ್ನ ಹೆಂಡತಿಯ ಜೊತೆಗೆ ಒಂದೆರಡು ಪ್ರೀತಿಯ ಮಾತು

ಉಹುಂ ಅದು ಇಲ್ಲ. ಮಗುವಿನ ಮರೆಯದ ನೋಟವನ್ನ ತನ್ನ ಕಣ್ಣಲ್ಲಿ ಹಚ್ಚೆ ಹಾಕಿಕೊಳ್ಳಲಿಲ್ಲ !

ಅತ್ತ-ಇತ್ತ ಎರಡು ಸಲ ನೋಡಿ, ಕೋಪಗೊಂಡು ನೇರವಾಗಿ ಡಾಕ್ಟರ್ ಚಂಬರ್ರಿನತ್ತ ನಡೆದ ಅಲ್ಲಿ

ಡಾಕ್ಟರ್ ಜೊತೆ ಕೆಲವು ವಿದ್ಯಾರ್ಥಿಗಳು ಮತ್ತು ಹೆರಿಗೆಗೆ ಹೆಲ್ಪ್ ಮಾಡಿದ ನರ್ಸು ಹೊರಗಡೆ ನಿಂತು ಮಾತಾಡುತಿದ್ದರು.



ಮಗುವಿನ ತಂದೆ ಬಂದವನೇ ಹೆರಿಗೆ ಮಾಡಿಸಿದ ಡಾಕ್ಟರ್ ಗೆ

" ಏನ್ ಸರ್ ನಿಮ್ಮ ಆಸ್ಪತ್ರೆ ಯಲ್ಲಿ ನನಗೆ ಬರೀ ಹೆಣ್ಣುಮಗುನೆ ಹುಟ್ತಾವಲ್ಲ ಸರ್" ಅಂದ.

ನರ್ಸಗೆ ತನ್ನ ಲಾಟರಿ ನಂಬರ್ರಿಗೆ ದುಡ್ಡು ಬರಲ್ಲ ಅನ್ನೋದು ಖಾತ್ರಿಯಾಯಿತು.

ಪಕ್ಕದಲ್ಲಿ ಹೋಗುತಿದ್ದ ಇನ್ನೊಬ್ಬ ಡಾಕ್ಟರ್ ನತ್ತ ಅನುಮಾನದ ನೋಟ ಹರಿಸಿ ಮುಂದೆ ಹೋದ.

ಆದ್ರೆ ಮನುಷ್ಯ ಸುಮ್ಮನಿರಬೇಕಲ್ಲ

" ಅಲ್ಲ ಸರ್ ಹಿಂದೆ ಎರಡು ಸಲ ಇದೆ ಆಸ್ಪತ್ರೆಗೆ ಅಡ್ಮಿಟ್ ಮಾಡ್ಸಿದ್ರ ಅವಗ್ಲು ಹೆಣ್ಣ ಇದ ಮೂರನೆ ಸಲ ಈಗ ಹೆಣ್ಣ ! ! ಹ್ಯಾಗೆ ಸರ್ ಹೀಗಾದ್ರೆ "

ಈಗ ಜೊತೆಗೆ ನಿಂತಿದ್ದ ಹುಡುಗರ ಸರದಿ ಡಾಕ್ಟರ್ ಮೇಲೆ ಹೊಸ ಜೋಕ್ ಮಾಡೋಕೆ.

ಅವ್ರು ಒಳ್ಳೆ ಕಾನ್ಸೆಪ್ಟ್ ಸಿಕ್ತು ಅಂತ ಖುಷಿ ಪಟ್ರು. ಆದ್ರೆ ಡಾಕ್ಟರ್ ಸಂಕಟ ಡಾಕ್ಟರ್ ಗಾಗಿತ್ತು.

ಇವನು ಮತ್ತೆ ಮುಂದುವರೆಸಿ " ನೋಡಿ ಸರ್ ನೀವು ಏನಾದ್ರು ಮಾಡ್ಕೊಳ್ಳಿ ನನಗೆ ನಿಮ್ಮ ಫೀಸ್

ಪೂರ್ತಿ ಕಟ್ಟೋ ಶಕ್ತಿಯಿಲ್ಲ ಮತ್ತ ಸಲ ನಾನು ನರ್ಸಗೆ ಭಕ್ಷಿಸು ಅಂತ ದುಡ್ಡು ಕೊಡಲ್ಲ. "

ಕೊನೆಯ ಮಾತು ಕೇಳುತ್ತಿದ್ದಂತೆ ತನ್ನ ಬುಡಕ್ಕೆ ನೀರು ಬಂದದ್ದು ತಿಳಿದ ನರ್ಸು,

ಡಾಕ್ಟರ್ ಗುರಾಯಿಸುವ ಮುಂಚೆ ಮೆಲ್ಲಗೆ ಜಾರಿಕೊಂಡಳು.



ಮಗುವಿನ ತಂದೆಯ ಮಾತು ಮತ್ತು ಕಿರಿಚಾಟ ಕೇಳಿದವರು ಬುದ್ದಿವಾದಹೆಳುವ ನೆಪದಲ್ಲಿ ಮೆಲ್ಲಗೆ

ಸುತ್ತಲು ಬುದ್ದಿಜೀವಿಗಳು ಜಮಾಯಿಸತೊಡಗಿದರು, ಮಾತಿನ ಚಕಮಕಿಯ ಮಜಾ ತೆಗೆದುಕೊಲ್ಳಲು.

ಪರಿಸ್ಥಿತಿ ಅರಿತ ಡಾಕ್ಟರ್ ಮಗುವಿನ ತಂದೆಯನ್ನ ತಮ್ಮ ಚಂಬರ್ರಿನೊಳಗೆ ಕರೆದೊಯ್ದರು.

(ಬಹುಶಃ ಇನ್ನು ಸ್ವಲ್ಪ ಜನ ಸೇರಿದರೆ ಡಾಕ್ಟರ್ ನಿರ್ಲಕ್ಷದಿಂದ ಹೆಣ್ಣು ಮಗು ಜನನ ಎಂದು ಚಳುವಳಿ ಶುರುವಾಗುವುದೆನ್ನುವ ಭಯದಿಂದ)



ತಮ್ಮ ಸೀಟ್ ಎನ್ನುವ ಸೈಟಿನಲ್ಲಿ ಕುಳಿತು ಡಾಕ್ಟರ್, ತಣ್ಣನೆಯ ನೀರು ಕುಡಿದು ಸ್ವಲ್ಪ ತಣ್ಣಗಾಗಿ ಹೇಳಿದರು

" ಅಲ್ಲಯ್ಯ ನಿನಗೆನಾದ್ರು ತಲೆ ಕೆಟ್ಟಿದಿಯಾ? ನಿನಗೆ ಹೆಣ್ಣು ಮಗು ಹುಟ್ಟೋದಕ್ಕೂ ಆಸ್ಪತ್ರೆಗೂ

ಏನಯ್ಯ ಸಂಭಂದ. ನಿನ್ನ ಹೆಂಡ್ತಿ ಹೆರಿಗೆಗೆ ಬಂದಿದ್ಲು ಹೆರಿಗೆ ಸರಳವಾಗಿ ಆಗಿದೆ.

ಸಂತೋಷ ಪಡಬೇಕು, ನೀನ್ ನೋಡಿದ್ರೆ ಹಿಂಗಾಡ್ತಿಯಾ"

ಅಂತ ಸಮಾಧಾನವಾಗಿ ನಿಧಾನವಾಗಿ ತಿಳಿಸಿಹೇಳುತ್ತಿರುವಾಗ....

"ಅಲ್ಲ ಸರ್ ಮೂರನೆ ಸಲಾನೂ ಹೆಣ್ಣು ಸರ್ ......" ಇವನು ಮತ್ತೆ ಶುರುವಿಟ್ಟುಕೊಂಡ

ಕೇಳಿ ಕೇಳಿ ಸಾಕಾಗಿಹೊಗಿದ್ದ ಜೊತೆಗೆ ತಮ್ಮ ಫೀಸ್ ಬಗ್ಗೆ ಅನುಮಾನಹೊಂದಿದ್ದ ಡಾಕ್ಟರ್ ತಾಳ್ಮೆ ಕಟ್ಟೆ

ಬಿರುಕು ಬಿಡುತ್ತಿತ್ತು ಹಾಗಿದ್ದರೂ " ನೋಡಪ್ಪ ನಿನ್ನ ಹೆಂಡ್ತಿ ಪ್ರಜ್ಞೆಂಟ್ ಆದ್ಮೇಲೆ ಇಲ್ಲಿಗೆ ಬಂದದ್ದು,

ನೀನು ನಿನ್ನ ಹೆಂಡ್ತಿನೇ ಕಾರಣ ಹೆಣ್ಣು ಹುಟ್ಟೋದಕ್ಕೆ ಅಷ್ಟೆ. ಫೀಸ್ ಕೌಂಟರ್ ನಲ್ಲಿ ಕಟ್ಟಿ ನಿನ್ನ

ಹೆಂಡ್ತಿ, ಮಗುನ ಕರಕೊಂಡು ನೀನಿನ್ನೂ ಹೋಗಬಹುದು" ಅಂತ ಹೇಳಿದರು.

"ಅದೆಲ್ಲಾ, ಫೀಸ್ ಗೀಸ್ ಕಟ್ಟಕಗಾಲ್ಲ ಸರ್ ಮುಂದಿನ ಡೆಲವರಿಗೆ ಆಸ್ಪತ್ರೆಗೆ ಬರಲ್ಲ ನನ್ನ ಹೆಂಡ್ತಿ "

ಮಗುವಿನ ತಂದೆ ಜೋರಾಗಿ ವದರಿದ.

ಡಾಕ್ಟರ್ ಮತ್ತೆ ಬಿಸಿಯಾಗಿ " ನಿನ್ನ ಹೆಂಡ್ತಿ, ಮಗುನಾ . . . ." ಡಾಕ್ಟರ್ ಇನ್ನು ಮುಗಿಸಿರಲಿಲ್ಲ

"ಅಷ್ಟೆಲ್ಲಾ ಫೀಸ್ ಕಟ್ಟಕಾಗಲ್ಲ ಸರ್ ಹುಟ್ಟಿರೋದೆನ್ ಗಂಡು ಮಗುನಾ?, ಮೂರನೆ ಹೆಣ್ಣು "

ಮೂರು ಹೆಣ್ಣು ಮಕ್ಕಳ ತಂದೆಯಾದ ಮೂರು ಬಿಟ್ಟವನು ಗುನುಗಿದ.

ಡಾಕ್ಟರ್ ಬಂದಿರುವ ಕೋಪವನ್ನ ತಡೆದುಕೊಂಡರು ಆದ್ರೆ ಆಗಲಿಲ್ಲ ಕೊನೆಗೆ

" ಮೂರು ಹೆಣ್ಣುಮಕ್ಕಳನ್ನ ಕೆತ್ತನೆ ಮಾಡಿರೋದು ನೀನು ಕಣಯ್ಯಾ, ನಾನಲ್ಲ ! ! ! !"
ಅಂತ ಅಂದುಬಿಟ್ಟರು ! !



ಅಲ್ಲಿ ಮಗುವಿನ ತಂದೆ ಡಾಕ್ಟರ್ ಜೊತೆ ಜಗಳವಾಡಿ ಹೊರಬಂದ, ನರ್ಸು ಹಿಡಿ ಶಾಪ ಹಾಕುತ ಅವನ ಮೆಂದೆ ನಡೆದು ಹೋದಳು.

ಡಾಕ್ಟರ್ ಎಸಿ ಗಾಳಿ ಜೋರಾಗಲೆಂದು ರೆಗುಲೇಟರ್ ತಿರುವಿದ. ಸುದ್ದಿ ತಿಳಿದ ಉಳಿದ ಡಾಕ್ಟರ್ ಗಳು ವ್ಯಂಗ್ಯವಾಗಿ

ಮಾತಾಡಿದರು (ಮಗುವಿನ ತಂದೆ ಬಗ್ಗೆ). ವಿದ್ಯಾರ್ಥಿಗಳು ಸಿಗರೇಟನ್ನ ಹಚ್ಚುವುದರ ಜೊತೆ ನಡೆದ ಘಟನೆಗೆ ಉಪ್ಪು ಖಾರ ಹಚ್ಚಿ

ಜೋಕ್ ಮಾಡಲಾರಂಭಿಸಿದರು.

ಆದರೆ,

ಇಲ್ಲಿ ಮಗುವಿನ ತಾಯಿಯ ಕಣ್ಣಂಚಲ್ಲಿ ಇನ್ನು ನೀರಿತ್ತು ! ! ! ತಾನು ಕೂಡ ಹೆಣ್ಣಾಗಿ ಹುಟ್ಟಿದಾಗ ತನ್ನ ತಾಯಿ ಕೂಡ ಹೀಗೆಅತ್ತಿರಬಹುದಾ?

ಎನ್ನುವ ಪ್ರಶ್ನೆಯೊಂದಿಗೆ ತನ್ನ ತಾಯಿಯ ಕಡೆ ನೋಡಿದಳು.

ಮಗುವಿನ ಅಜ್ಜಿ ಬಾಣಂತಿಯತ್ತ ಖುಷಿಯಲ್ಲಿ ಬೆರೆತ ಸಂಕಟದ ಕಿರು ನಗೆ ನಕ್ಕಳು, ಅಜ್ಜಿಗೆ ತೊಟ್ಟಿಲಲ್ಲಿದ್ದ ಮೊಮ್ಮಗು ಕಾಣಲಿಲ್ಲ.

ಬಾಣಂತಿಯ ಪ್ರಶ್ನೆಗೆ ಉತ್ತರ ಸಿಗಲಿಲ್ಲ ?

ತಾಯಿಯ ಪಕ್ಕದಲ್ಲಿದ್ದರೂ ಮಗು ಎರಡನೇ ಬಾರಿ ಜೋರಾಗಿ ಅಳತೊಡಗಿತು. ಬಹುಶಃ ಸಲ ಮಗುವಿನ ಅಳು ತಾನು ಹುಟ್ಟಿದ ತಪ್ಪಿಗಾಗಿ.

ಹಸಿ ಕಂದನ ದನಿಯಲ್ಲಿರುವ ಗಂಭೀರ ಸಮಸ್ಯೆ ಅದೇಷ್ಟು ಕಂದನಿಲ್ಲದ ಕರುಳಿಗೆ ಕೇಳಿತೋ ಏನೋ ? ತಿಳಿಯಲೇ ಇಲ್ಲ.

=======
=======





4 comments:

  1. ಹೆಣ್ಣು ಮಗು ಅಂದ್ರೆ ಈ ಮಟ್ಟಕ್ಕೆ ತಿರಸ್ಕರ ಬರೋದಕ್ಕೆ ಕಾರಣ ನಮ್ಮ ಸಮಾಜ ಮತ್ತು ನಮ್ಮ ಜನ. ಹೆಣ್ಣು ಯಾವುದಕ್ಕೂ ಯಾರಿಗೂ ಕಮ್ಮಿ ಅಂತು ಇಲ್ಲ ಆದರೆ ಸಮಾಜ ಅವಳು ಹೆಣ್ಣು ಅವಳ ಕೈಯಲ್ಲಿ ಆಗೋಲ್ಲ ಅಂತ ಹೇಳಿ ಹೇಳಿ ಆಕೆಯನ್ನ ಅವಳಲ್ಲಿರೋ ನಂಬಿಕೆ, ಧೈರ್ಯ ವನ್ನ ಕಳೆದುಕೊಲ್ಲೋ ಹಾಗೆ ಮಾಡ್ಬಿಡ್ತಾರೆ. ವರದಕ್ಷಿಣೆ ಅನ್ನೋ ಸಾಮಾಜಿಕ ಪಿಡುಗು ಕೂಡ ಈ ಒಂದು ಘಟನೆಗೆ ಕಾರಣ ಎಂದು ಹೇಳಬಹುದು. ಪದವೀಧರ ರ ಕೈಯಲ್ಲೇ ಇದೆ ಇದಕ್ಕೆಲ್ಲ ಲಗಾಮು. ಪ್ರತಿಯೊಬ್ಬ ವಿಧ್ಯಾವಂಥ ನನಗೆ ವರದಕ್ಷಿಣೆ ಬೇಡ ಎಂದು ಪಟ್ಟು ಹಿಡಿದರೆ ಕಾಲ ಕ್ರಮೇಣ ಎಲ್ಲ ಹತೋಟಿಗೆ ಬರಬಹುದು ಎನ್ನೋದು ನನ್ನ ನಂಬಿಕೆ. ಉತ್ತಮವಾದ ಲೇಖನ ರಾಜ.

    ReplyDelete